         |
 |
Benvida
Chegou a hora da verdade. Logo de catro anos de esforzo coa meta olímpica como fondo, os galegos e galegas encadradas nas diferentes seleccións españolas terán que dar o máximo deles… e recibir o máximo de nós. É por iso que Caixa Galicia, como primeira entidade financeira do país, quere axudar a conseguir que os nosos atletas tamén sexan os primeiros en Atenas 2004.
O labor de difusión do traballo e dos logros dos deportistas galegos, xa sexa no noso país ou alén das nosas fronteiras, sempre foi obxecto do apoio total de Caixa Galicia; e non podía ser menos na cita deportiva máis importante: os Xogos do regreso a Grecia. Nesta ocasión tan importante da historia olímpica cómpre tamén ter un lugar para a lembranza: nada mellor que esta páxina para honrar o esforzo de todos e todas as deportistas que deixaron o pavillón do noso país no máis alto nivel desde os primeiros xogos de 1896.
Hoxe o noso deporte está nun momento histórico e teremos atletas na loita polas medallas: vela, triatlón, piragüismo, remo, atletismo... Pero o seu sacrificio necesita do máximo apoio que se lles poida dar. Xa que logo, Galicia quere colaborar enviándolles, a través desta web Galicia Olímpica, unha mensaxe de ánimo no seu difícil camiño. Colabora ti tamén e fai que sintan o teu alento. O esforzo pagará a pena.
José Luis Méndez
Director Xeral de Caixa Galicia
|
|
|
|
COLABORA
© 